У Горадні зачынілася культавая канцэртная пляцоўка, што звалася «Дом Культуры імя Грэка». Цягам двух з паловай год гэта было ці не адзінае месца ў горадзе, дзе праводзіліся diy-канцэрты і хіба адзіная пляцоўка ў Беларусі, дзе выступы рок-музыкаў спакойна праходзілі без ахоўнікаў ды міліцыі. Да ўсяго, тут арганізатары, музыкі і гледачы ўвесь гэты час дэманстравалі цуды самаарганізацыі. Пра гісторыю культавага месца і прычыны яго закрыцьця ў інтэрвію «Тузіну Гітоў» распавялі ідэйныя натхняльнікі праекту пад назвай «Дом Культуры імя Грэка» Саня «Барабан» Рацько ды Дзіма Грэк.

Другі альбом інтрумэнтальнага праекту Palladium пад назвай Taboo, як вынік супрацы беларусаў з эстонскай гуказапісвальнай кампаніяй Sonicmedia. Гэтым разам прапануецца арыгінальны матэрыял, а не перапрацоўка клясыкі. Не сказаць, каб ад гэтага творчасьць гэтых музыкаў стала выклікаць нейкія эмоцыі, бо агульны падыход, што назіраўся ў дэбютніку «Energy», застаўся тойсама. Па-ранейшаму электраскрыпкі пілікаюць на тле немудрагелістага кампутарнага падкладу. Затое музыкі ясна разумеюць, чаго яны ня хочуць.

Вакалістка гурта «Верасень» Вольга Акуліч з нагоды выхаду новага дыску пад назвай «Другі» падзялілася з «Тузіном Гітоў» сваім бачаньнем актуальнай музыкі і альбомнага фармату. У «Другім» усяго пяць песень, але самі музыкі лічаць яго паўнавартаснай цэльнай працай і называюць менавіта «альбом». Песень запісалі мала ня толькі з прычыны эканамічнай: «Лічу, што часы альбомаў зь вялікай колькасьцю песень ужо мінулі. І такі фармат цяпер найбольш пасуе»

Напярэдадні канцэрту ў Менску з гуртом FolkRoll адна з самых яскравых сьпявачак на беларускай фольк-сцэне распавяла як пачалося яе захапленьне музыкай, што яна слухае ва ўласным плэеры і што новага гатова прапанаваць беларускаму і замежнаму слухачу. «FolkRoll — гэта самая важная музычная зьява ў маім жыцьці. Мяркую, што і для фолькавай прасторы яна таксама важная. Мяркую, што FolkRoll адкрыў іншы бок такой плыні, як фольк-авангард. А наогул я за тое, каб беларускіх гуртоў было як мага больш. І каб беларуская музыка заняла сваё месца ў кантэксьце сусьветным».

На студзеньскім канцэрце ў межах праекту «Тузін. Unplugged» гурт BosaeSonca сыграе разам з струнным трыё. Іншыя ўдзельнікі J:Морс таксама рыхтуюць адмысловы сэт, які будзе пасаваць да надзвычай інтымнай атмасфэры. Спэцыяльным госьцем вечарыны будзе сьпявачка Паліна Рэспубліка, прызнаная парталам Tuzin.FM галоўным адкрыцьцём у беларускай музыцы ў 2011 годзе.