Amaroka: панк-прывітаньне Вэнэсуэле :: Mузычная прастора Беларусі

Навіны
Афіша
Акорды
Mp3
Кліпы
Урокі
Студыі гуказапісу

02.03.2010 - Amaroka: панк-прывітаньне Вэнэсуэле
http://music.fromby.net/

Гурт Amaroka, які яшчэ чатыры гады таму разглядаўся сярод пераемнікаў N.R.M., вяртаецца, каб прэзэнтаваць у новым туры на «Тузіне Гітоў» песьню Trably з аднайменнага EP. З запісам новага сынглу музыкі зьвязваюць другое нараджэньне гурта. Лідэр Amaroka Зьміцер Афанасенка прызнаецца, што напісаў гэты твор, калі адчуў пэрспэктыву разьмеркаваньня беларускіх студэнтаў у Вэнэсуэлу.
Amaroka

Пасьля ўдалага дэбюту, сумеснага канцэрту з N.R.M. і дэбютніка Raketa гурт Amaroka распаўся праз пастаянныя праблемы са складам. Праўда не да рэшты — лідэр каманды Зьміцер Афанасенка працягваў пісаць песьні і шукаць музыкаў, якія бы ўвайшлі ў сталы склад. У Amaroka ўсё атрымалася, як належыць — музыкі ізноў пачалі даваць канцэрты. Вяртаньне было нахабным — гурт сыграў канцэрт пад лёзунгам «Military STOP» у вайсковай частцы, дзе служыў на той час іх лідэр-гітарыст.

Amaroka няспынна грае гаражнікі — гэта такія закрытыя панк-кватэрнікі, на якія зьбіраецца да паўсотні чалавек, а пад канец 2009 году яны запісалі свой новы EP пад назвай Trably. Напярэдадні прэзэнтацыі дыску з музыкамі здарылася падобная сытуацыя, як надоечы з гуртом MAUZER — раптоўна з гурта сыйшлі два музыканты. Але Amaroka ізноў прарвалася — канцэрт зайгралі ў скарочаным складзе, а потым набралі новых музыкаў.

Песьня Trably зьявілася ў сьнежні 2008 году. Яе аўтар Зьміцер Афанасенка апавядае, што быў у той час у гуморы: «Настрой быў дужа вясёлы, прыходзілі думкі пра розныя сацыяльныя праблемы, пра тое, што хутка нас — студэнтаў — пачнуць размяркоўваць у Вэнэсуэлу. Сьмешна было з усяго гэтага і з таго што наперадзе чакае. Усе думкі неяк перамяшалася і нарадзіўся такі вось сацыяльна-гумарыстычны сьпеў». Хлопцаў усё ж у Вэнэсуэлу не разьмяркавалі, але гэты сьпеў вырашана было пакінуць у рэпэртуары гурта. Ён жа і даў назву апошняму дыску каманды.

Гурт у інтэрнэце — www.amaroka.org

Amaroka — Trably (музыка і словы — Зьміцер Афанасенка).
Зьмяшчаецца са згоды выканаўцы.

SB, ТГ

Фота: Іван Зімбільштэрн

Вэрсія для друку